اولاً اعتذر عن الفتره اللي غبت فيها عن الكتابه لاسباب صحيه
وهم لانشغالي بترتيبات شهر الخير والرحمه .. ومبارك عليكم ما تبقى من الشهر
مادري شلون ابتدي معاكم بالموضوع لان بصراحه خلاص مليت وتعبت
عيزت وانا اقول اليوم ولا باجر بتغير الحال بس ماكو فايده
وبعد تفكيرعميق قررت وما باذني ماي اني انتقم من اللي يضايقني لا تقولون
طوفي احنا بشهر الخير والرحمه والمغفره لا بس خلاص
بلغ السيل الزبى انا معاكم ان شهر رمضان من افضل الشهور بس انا تحملت وايد وصبرت اكثرمن اللازم
كل يوم اقول الوضع بيتغير بس للاسف اشوف السالفه مصخت وايد ويوم عن يوم احترق من داخلي مثل البركان
واحاول اهدي نفسي بس الحين خلاص تحملوا ما اييكم ياللي ضايقتوني صارلي فتره افكر بطريقة الانتقام انا ادري واحس ان اللي بيقرى هالبوست بيقول يمه شفيها حياة صايره شرانيه وعدوانيه !!
بس شسوي مو بيدي خلاص راح عمري وانا اقول اليوم وباجر بتتغير الامور بس ماكو اي استجابه بس بصراحه في البدايه كنت محتاره بطريقة الانتقام هل استخدم فيها سجاجين وصواطير ولاطق عادي علشان يحسون بالم وجود ايوزون عن اللي يسونه بس قلت ماكو الا غيراحقر لان مثل ما يقولون الحقران يقطع المصران ..
بس يا نفس توبي كل ما حاولتي توديني لطريج ولشي غلط بحقرج وبخليج تنقهرين
وانتي بعد يا عيوني ان حسيت مجرد احساس بتشوفين شي مامنه فود بصكر عيني وبنام عناد عليج
واذني نفس الشي لج نصيب من الانتقام ان حسيت بخاطرج تسمعين شي مالج شغل فيه بحط ايدي عليج ومابخليج تسمعين علشان تحترين ونفس الحال للساني وايدي وريولي كلكم ما راح تنحاشون يايكم الدور
شسوي لازم انا امشيكم على اللي ابيه واشوف فيه الخير لي ولكم وبما ان احنا بشهر الخير والتوبه ببتدي معاكم وباذن الله راح تكون الانطلاقه من الحين وامشي على هالطريج لي ما الله ياخذ امانته ..
وبالاخير احب اوجه نداء للي يبي ينتقم حيالله
ونصيحه فرصتكم الحين
لازم تغيرون انفسكم دام الايمانيات زايده وعساها دوم زايده بهذا الشهر ولا بدونه ..
صاحبة الانتقام .. حياة
28 التعليقات:
هاهاها.. ضحكتيني والله خوووووووووووووووووش أسلوب.. يعطيج العافية وعساج عالقوة..
عاااد فيني حرة انتقااام انااا
انا قريت البوست لي نصه وجفست جمومي فيني حرة طق .. :Pp
الله يعينا على صون النعمة اللي عطانا اياها وعدم جحودها
وفقكم الله وثبتكم على طريق الهداية
جزيتي كل الخير حياة
مادري ليش كله يعلق عندي البلوق ..
عموما ..
عندج إياهم ..
توليهم من غير رحمة :d
أدبيهم .. ونحن من ورائك مؤدبون
هههههههههه انا في البداية
حسيت ان الي تتكلمين عنهم مضايقينج وايد
وبديت افكر معاج بطريقة وقلت السجاجسن ما تشفي الغله ماكو احلى من النار والتشريح وغيره اشتغفر الله
تفكيري سيكوباثي ..
بعدين فجأة انصدمت بالي بتنتقمين منهم كلش ما توقعت الي بتذكرينه ..
انا بحاول انتقم ولو انهم مسيطرين علي ..
تتبعين اسلوب جميل ومميز في ايصال الفكرة ..
الله يقدرج على الانقام ..
دمتي بخير ..
اي والله فرصة دام الايمانيات زايدة هالشهر ! :)
هالنفس مادري لي متى اهي تمشينا :/
الله يعينا ان شالله, بوست قوي صراحة ومؤثر
اهلا وسهلا
ومبارك عليج باجي الشهر ^^
تدرين لما قريت البوست ما استوعبت عدل
رديت قريته مرة قانية جان استوعب لوووول
وناااااسة صج ونااسة خوش طريقة
يعجبني اسلوبج في النصح وشحذ الهمة :)
يلا انا بعد قررت انتقم معاج
يعطيج الف مليون عافية :)
لوووووووووووووووووووول روعة يا حياتو يا فنانة.
مدري لكن اقسم بالله ما شفت مثل اسلوبك المميز.
وعلى فكرة اشتقنا لك وايد بالكويتي احنا امانة عندك لان كتباتك تغير فينا اشياء كثيرة يلا يلا شدي الهمة وعطينا من اسلوبك الرائع.
رمضانك مبارك وعساك من صوامه وقوامه وعتاقه وعواده ان شاء الله.
وسلملم يا اجمل حياة
خيتك ملوحة
Gucci
------
عسى هالضحكه دوم ما تفارقج :)
والله يعافيج ولاحبابج يخليج ...
شكرا على هالتعليق الحلو ..
لولا الأمل
---------
حياك الرحمن اخي الفاضل ..
مو مشكله طلع حرتك بس بدون عنف يامعود
محنا ناقصين محاكم وقضايا :)
هههههه حلوه جفست جمومك شكلج فزاع والله يجعلنا
وياك من ممن يفزعون لنصرة الحق ولنشر الخير ..
بارك الله فيك على هذه المشاركه ..
اجتماعي
--------
حياك الله ..
اسعد كثيرا بمشاركتك ..
اممم يمكن البلوق يعلق من كثر ما اكل طق :)
باذن الله راح ادبهم اخليهم يتوبون يسون حركاتهم هاذي .. واتمنى من الله ان يبعد عنا شرور الفتن والمعاصي .. والله يقدرك على التاديب :)
نمووول
------
اهلا وسهلا بطلتك اخي الكريم ,,,
بصراحه تفكيرك خطير انا فكرة بالحرق بس التشريح
ما يه في بالي شكلك لي انتقمت بتنتقم من قلب !!
وانا اقرأ تعليقك حسيت بانك انسان قوي وهذا شنو معناته انك باذن الله قادر على التغلب على حواسك
وانك باذن الواحد الاحد سوف تغيرهم للافضل بل اتوقع
انك تحب ان تمتاز بالافضليه يالله شمر ذراعك وعندك اياهم .. صدقني جرب مره وراح تتعود كل مره ..
اشكرك نمول على تعليقك الحلو والحمدلله طريقة الكتابه
نالت اعجابك واعجاب الاخرين .. والهدف من هالبوست تقديم النصيحه بطريقه مشوقه وجذابه وباذن الله ارى
بعض التغيرات من المشاركين .. :)
iCoNzZz
--------
حيالله بمهدستنا ..
هالنفس ان ما ادبيتها اهي راح تمشي على هواها
فالنفس اماره للسوء جراره وباذن الله قادرين
قادرين على ترويضها للحق والخير ..
شكرا على هالطله :)
princess adadi
----------------
@@
منو اروجه هني
حياج الله حبوبه :)
ياحلو اللي قرى الموضوع مرتين
والاحلى انج بتصفين معاي وبتنتقمين ..
يالله فيه شريره ثانيه مو بس بروحي ههههههه ..
شكرا على هالتعليق الحلو يا الغاليه ..
استمتعت وانا اقراه ,,
ملح الحياة
-----------
هلا بالزين
هلا باخيتي الغاليه ..
بصراحه مو عارفه شنو اقول اخجلتيني كالعاده
بردج اللطيف والجميل لا عاد جذي اشوف نفسي ترا :) (اتغشمر ) .... بس جذي تحمليني مسؤوليه كبيره بس
الله يطرح اللي فيه الخير والبركه باذن الله
تشتاق لج العافيه يا العزيزه والله يتقبل منا ومنكم
صالح الاعمال ويجمعنا مع بعض في الجنان ..
كلمة شكرا قليله بصراحه
على تواجدج الدائم والمحفز ..
الله يديم هالطله الحلوه والابتسامه الجميله واتمنى
ان لا تفارق محياج :)
يعطيك العافية يا الغالية
حوار روعه بين النفس الامارة بالسوء والنفس اللوامه
وتصويرك له بهالاسلوب خلاه يوصل القلب على طول
ويأدي الرسالة الهادفة منه
الله يبارك في مداد هذا القلم
ويسخره في طاعته
واسعدني جدااا مرورك بمدونتي المتواضعة
وتحياتي لك ولكل اهل الكويت الطيبين
والله يبارك لنا فيما بقي من أيام
هذا الضيف الكريم
هلا بالغاليه
آنه قاعده أقرا و ناطره اشوف شنو النهايه لأني قاعده أقرا و ماني مصدقه إنج أنتي تقولين هالحجي :) أنتي هاديه و مسالمه اسم الله عليج و يعطيج العافيه على هالأسلوب الراقي و الحلو :)
و عساج دوم على القوه و ما تشوفين شر يا رب :*
لووووووووووووووول !
قلت الحين هذي كاتبه هالموضوع تبي فزعه شي !
ايييييي عندج اياه :P
عندك اياه حيييل حيييل عندك اياااااااااه
http://www.youtube.com/watch?v=kCD8lcWi58g
لووووووووووول شوفي الدقيقه 3:00
عندك ايااااااااااااااااااه
يا هلا وغلا بالزين كله
اولا سلامات حبيبة قلبي ماتشوفين شر ان شاء الله
ثانيا معاج حق يالغالية بكل حرف كتبتيه
ودام ربي تفضل علينا بنعمة العقل المفروض هو اللي يسير كل اعضائنا وجوارحنا
وبإنتظار جديدج
اختج وصديقة الدراسة فتاة طموحة :)
جُمانه
-------
يا هلا والله ..
الله يعافيج ويحفظج ويخليج ..
بصراحه سعدت جدا بهذه المشاركه الطيبه
ومدونتك لا تستحق الزياره بل المداومه عليها
لانها ثريه بالمعلومات القيمه .. وحيالله باهلنا
في السعوديه :) شرفتينا اختي العزيزه وسعدت جدا
بطلتج واتمنى تكرارها ..
بدور
-----
الله يعافيج يا الحبيبه ..
شكرا على المدح :$
وشكرا مره ثانيه على مشاركتج الحلوه من اول ما اقرأ اسمج ابتسم ربي يسعدج :)
الشر ما يييج يالعزيزه
kandroz
-------
حياك الله ..
ههههههههههههه حلووه مسكين كسر خاطري طارق العلي
ويهه حمر .. !!
بس هم عندك اياه :)
فتاة طموحة
------------
يا هلا والله
بصراحه الا صج انا متشققه من الوناسه
وييييييييه ذكرتيني بايام :)
فرحت حيل بهالمشاركه من الوناسه قريتها اكثر من مره
الغاليه هني منو قدي .. :)
الشر ما ييج لا لج ولا لغالييج .. ( قمنا نبدع مو ) :)
والحمدلله ما تم كتابته نال اعجابج ومتابعتج تدفعني الى الامام .. ربي يسعدج ..
لا تحرمينا من طلتج اوكي يا كيكه ..
هههه هل آخر العلاج الانتقام ؟
وإن كان كل انتقام أهدافه بهذا السمو , لكنا بخيّر
أعانكِ الله عزيزتي
إيلاف
-------
يا مرحبا بالمحاميه :)
حياج الرحمن
مو يقولون اخر العلاج الكي !! انا طبقته ..
شكرا لج على هذا التعليق الراقي ,,
اسعدني تواجدج ..
كل عام وانتي والجميع بخير
هالشهر فرصة وحلو التغيير
تقديري لكِـ
ابويعرب
--------
حياك الرحمن ..
وانت بخير اخي الكريم ..
نعم صدقت التغيير جميل ..
وشكرا لك على المشاركه .. :)
دهشت عند قرائتي عنوان الموضوع
لكني ادركت انك ستوصلين لنا نصيحه من خلاله بطريقه مشوقه كالعاده : )
بارك الله فيج ام نور
والله يعينا يارب على دفع هوى النفس
تذكرت قول البارىء عز وجل
(( اليوم نختم على أفواههم وتكلمنا أيديهم وتشهد أرجلهم بما كانوا يكسبون ))
وقوله تعالى
(( حتى إذا ما جاءوها شهد عليهم سمعهم وأبصارهم وجلودهم بما كانوا يعملون وقالوا لجلودهم لم شهدتم علينا قالوا أنطقنا الله الذي أنطق كل شيء ))
شعلة_أمل
----------
حياج الله شعوله ..
فقدت طلتج ( ربي يحفظج ) ..
عاد تدرين مشتاقه لكم وايد :$
والله انتي كالعاده تضيفين على الموضوع ماهو قيم ..
الله يتقبل منا توبتنا ويعتق رقابنا من النار
اللهم اجعل قبورنا روض من رياض الجنه ولا تجعله
حفره من حفر النيران .. ( اللهم آمين )
إرسال تعليق