النحشه صارت بربع دينار !!

بسم الله والحمدلله

والصلاة والسلام على رسول الله
اما بعد ..

بالامس وانا الم (اجمع) الجرايد كعادتي من بعد ما يقراها زوجي

لأركنها على جنب وانا مو من قراء الصحف اليوميه الا من وين لي وين ,,

ساعات على الفضواه وساعات على المزاج

.. المهم ..

من بين الجرايد كانت جريدة القبس ,,

وانا اعدل الجريده لفت انتباهي موضوع عرض بصفحه كامله عن النحشه (التزرق ) اللي بربع دينار ..

تدرون شنو سالفة النحشه بربع دينار !!

خل اقولكم السالفه ومافيها ان حراس بعض مدارس الاولاد (البعض) مو الكل ..

يخلون الولد ينحاش من المدرسه بشرط يعطيه ربع دينار !!

الله يا كبرها ,,خوش حارس والله باجر لو يعطونه 10 دنانير بيطلع الصف كله

ولو صارت 100اتوقع محد مداوم بالمدرسه :)

انا بفهم وين المصداقيه والاخلاص في العمل ؟؟

انت ياي تشتغل ولا ياي تيمع مصاريف الطلبه !!

واللي مو داش بمخي اسمك حارس يعني بالمنطق والعقل ان الحارس يحرس المكان اللي مشرف عليه

واللي انا اعرفه ان حارس المدرسه يحرس الطلبة والمدرسه بشكل عام ..

يحرس ركزوا معاي @@ يحرس مو ينحش !!

الله يصلحهم ويهديهم

واتمنى من وزارة التربيه ينتبهون لمثل هذه الامور ادري الحملثقل عليهم بس علشان مصلحة عيالنا ..

يالله عندك ربع دينار انحاش وانت تضحك

: )