بالامس خرجت انا واسرتي للتنزه ..
انا من طبعي احب الخروج والتنزه في وسط ايام الاسبوع لان الويك اند الكل يعرف
ماشاء الله زحمه وانا من طبيعتي ماخذ راحتي بالزحمه احب المكان الهادي واللي مافيه ازعاج
وحركه وايد فقلنا نروح نتمشى على البحر الجو مو طبيعي امس ماشاء الله بارد وعلى البحر شنو تتوقعون
احلى واحلى يالله كلها ايام قلائل ونودع فصل الشتاء الله يذكره بالخير :) ..
المهم واحلى نتمشى على البحر في بعض المقاهي ..
وانا امشي ماسكه ايد بنتي هديت ايدها تبي تركض وتنطلق .. (فديتها والله ) راحت تركض جدامي
ووقفت عند طاوله فيها بنااااات تقريبا كان عددهم 3 قاعدين طبعا قلت حق زوجي لحظه اييبها دام
كلهم حريم .. رحت ولا اشووف كل حبيبه معاها شيشه !!!!!!!!!!!!!!!!!!!!!!!!!!!!!!!!!
انصدمت وصعقت بمكاني !!
شالسالفه
وشصاير
وشلون
واحنا وين قاعدين
وليش جذي
ومليوون استفسار بمخي الا علامات استفهام ,, جنه احد صاب علي ماي بارد الا ماي مثلج
والله بصراحه ضاق خلقي وخنقتني العبره حرام شنو قاعد يصير بنات صغار اتوقع اعمارهم بال 19
او ببداية العشرين شنو هالجرأه اللي وصلوا لها ! طبعا اختكم الحبيبه (اللي اهي انا ) :) ماقدر اسكت
قلبي يقرقع حجي اذا سكت بيصير فيني شي مسكت ايد بنتي وخرتها من هالمكان القذر (اسمحولي على هالكلمه)
لان ريحة معسل وديتها عند زوجي واقوله لحظه شوي واييلك بكلمهم يقولي مالج شغل فيهم قلت الله يخليك بس
كلمتين وارد .. رحت ولا اقول الله يهداكم شنو قاعدين تسون بنفسكم !
ماتدرون ان التدخين حرام وان الي قاعدين تسونه غلط
لادين يسمح ولا حتى استغفر الله العادات والتقاليد تسمح ..
ولا بالعلن جدام خلق الله حرام اللي تسونه توكم صغار ماتخافون على صدروكم !!
على صحتكم وترى باجر يأثر عليكم لي تزوجتوا على عيالكم وبيتكم
مافكرتوا بحال والدينكم لو يشوفونكم جذي !!
اماااااااانه ما تحاتين لو اخوج او عمج او خالج او اي احد من اهلج يشوفج ؟؟
طبعا ردودهم علي انتي مالج شغل كل واحد حر بنفسه وخلي نصيحتج لج
اذا على الصحه فهاذي صحتنا واذا على الفلوس فلوسنا وكيفنا
قلت والله ان لم تستحي فافعل ما شئت :(
اذا الانسان ماخاف من رب الاكوان فلا حول ولاقوة الا بالله
12 التعليقات:
هالسالفة صارت شي عادي
الحين موضة البنات يدخنون !
تفتخر انها تدخن ..
عند نفسها ان هالشي اللي قاعدة تسويه اثبات انها حرة ومحد يقدر يمنعها عن اي شي ..
بصراحة اسلوبج معاهم كان خير اسلوب للنصح
وزين سويتي انج كلمتيهم بهالاسلوب لان لو كان اسلوبج جاف او مثل ما تقولين اسلوب " هواش " راح تكبر السالفة
واهما من غير شي مو سامعين للنصيحة !
الله المستعان ..
الله يهديهم وجزاج الله خير على حبج للخير والله ويحفظ لج بنيتج : )
لوووووووووووووووووووول
ام نور والله ضحكتيني :P
شكلج اول مره تشوفين جذي مناظر :/
والله في اخس من جذي
اهي ردت على الشيشه ؟
خليها على الله : )
يعطيج العافيه يالغيوره على ديرتج :P
هالوقت يخرع عادة الشيشة والتدخين صارت
منتشرة بشكل مو طبيعي , والمصيبة إنج تلاقين
مرات بنات يدخون ويا أهلهم هذا اللي يحر ,
شنو هالعوائل المتردية !
بس ما شفتي شي والله ترى واصلة لأخطر من جذيه
الله يستر علينا وعلى بنات المسلمين ..
ما شاء الله عليج
بالفعل في هذا الزمن لا يكتفي الشخص بإنكار المنكر بقلبه فقط !!
أحترم جرأتج في النصيحة التي قل ما نجد الناس يتحلون بها في هذا الزمن ..
الله يآجرج ويثبتج على طاعته :)
أما البنات والشيشة .. أسأل الله يصلح الحيارى ويهدي الضالين ..
المنبر الكويتي :)
الله يسعد أيامج،،
موقف تشكرين عليه،،
ياما تصير معانا ولكن ينعقد ذلك اللسان
بالامر بالمعروف والنهي عن المنكر،،
الله المستعان
ربي يجزيج الخير وبارك الله فيج
وينور دربج،،
صبيلي في كوب شوي من جراءتج:D
ENG.Sara
---------
شكرا لج على هالطله اللي صرت انطرها :)
والله شي يعور القلب ماقول الا ربي يصلحهم
وانا لما كلمتهم حسيت بالاحساس اللي مثل ما تفضلتي فيه
صار هالشي مثل مفخره بس على شنو ياربي !!!!
كثري من طلاتج خيتوو
kandroz
ّّّ@@@@@@@@
اي والله يا ولد الخال
اول مره اشوف كنت اسمع بس
شي يعور قلب
الله يعافيك ويخليك ..
iCoNzZz
-=-=-=-=-
اختي ايكونز
قبل لا اعلق سررت بمشاركتج :)
واتمنى ان لا تكون الاخيره ..
معقوله @@ !!
في بنات يدخنون مع اهاليهم !!!!!!!
شلون جذي وشالسالفه لي وين وصلنا
لاحول ولا قوة الا بالله ودي اعلق بس من
صدمتي كل الكلام طار ..
بس هالناس يبيلهم يتفقهون بالشرع
علشان يقون ايمانهم ويشيلون الغبار
اللي على قلوبهم ..
(( الله يستر علينا وعلى بنات المسلمين ..))
اللهم آمين
المنبر الكويتي
()()()()()()
اشكرك اخي الكريم على هالمساهمه
الطيبه والكلمات الجميله التي اعطتني دافع
للاستمرار ..
الجرأه مطلوبه في بعض الاحيان وبعض المواقف :)
بس مو كل مره علشان ما ننطق هههه
عاشقة الفردوس
-=-:@
يا هلا بصديقتي تشرفت بمشاركتج عزيزتي :)
تعبنا من الصمت !!
لازم نتكلم دام كلمة الحق معانا
صدقيني جربيها مره واحده وسبحان الله
تحسين اللسان ينطلق لانج تتكلمين بالحق وتنصحين الناس
الى الطريق الصواب .. وبعدها مايحتاي اصبلج من الجراءه في كوب لان راح يصير عندج بحر من الجرأه في الحق طبعا :)
لا حول ولا قوة الا بالله
وين وصلنا ؟
الله يستر علينا وعلى بنات المسلمين ويهديهم ويصلحهم
ما شاء الله اسلوبج عجبني كالعاده تحسنين التصرف والتحدث اللهم بارك
يزاج الله خير عالموضوع الذي ان دل دل على غيرتج وحبج للنصح والفايده
شعلة_أمل
هلا وغلا
بشعلة _أمل
اول شي حياج الله في المدونه اللي اخيرا شرفتينا فيها :)
(الله يستر علينا وعلى بنات المسلمين ويهديهم ويصلحهم)
اللهم آمين ويثبت قلوبنا وقلوبهم على الدين والطاعه ,, ومشكوره على هالتعليق الحلو ياحلوه ..
إرسال تعليق